Ленче Ристоска влезе во „Македонски Телеком“

Специјалното јавно обвинителство влезе во „Македонски Телеком“.

Засега нема информации дали обвинителката Ленче Ристоска е на состанок во компанијата или пак започнат е увид во документите.

Од СЈО минатата недела потврдија дека се соочуваат со опструкции од претставниците на македонскиот државен капитал во компанијата и дека од судот не можат да добијат налог за претрес.

Основниот суд Скопје 1 ја опструира истрагата за масовното прислушување уште од самиот нејзин почеток, поточно од 18 ноември минатата година кога СЈО официјално започна постапка против поранешни припадници на УБК.