Народниот правобранител на посета кај Весна Николиќ во Идризово

Весна Николиќ осудена во случајот „Фиком“, која пет дена штрајкува со глад во затворот Идризово, беше посетена од народниот правобранител.

Николиќ, чија здравствена состојба е сериозно нарушена, се жали дека иако ги исполнува сите законски услови да добие предвремен отпуст од затворот, каде што помина веќе 10 години и 2 месеци, или пак помилување, се уште се држи зад решетки.

Гневна на решението од „надлежните“ да се држи в затвор до последен ден, одбива и лекарска помош и посета.
Нејзиното семејство стравува за здравствената состојба на и онака кревката Весна.

„Луѓе што не исполнуваат услови се пуштаат од затвор многу пред истекот на казната, а за ова не сакаат да слушнат. Состојбата и е многу тешка. За три години и беа направени три тешки операции поради рак. Последната и беше направена неодамна. Ова што го прават со Весна е крајно нехумано. Тоа е нечовечки, ѕверски“, велат роднини на Николиќ.

Весна Николиќ е осудена за аферата за продажба на станови „Фиком“ на 10 години затвор, но подоцна доби уште две за, наводно, затајување на данок. Досега одлежа десет години. До крај и остануваат уште помалку од две години