Цените на нафтата забележаа раст во вторник, при што суровата нафта Брент се задржа близу петмесечен максимум, како резултат на зголемените геополитички ризици по извештаите за напади врз саудиска инфраструктура и трговски бродови во Персискиот Залив.
Фјучерсите за суровата нафта Брент се зголемија за 52 центи, односно за 0,47 проценти, достигнувајќи цена од 110,07 долари за барел. Во претходната трговска сесија цената достигна и 110,70 долари за барел, што претставува највисоко ниво регистрирано од 20 мај.
Овој скок на берзите следува откако јеменските Хути, кои се поврзани со Иран, во понеделникот објавија дека извршиле серија напади врз клучни енергетски објекти, аеродроми и воени цели во Саудиска Арабија.
Според нивните тврдења, меѓу целите биле објектот на „Арамко“ во Јанбу, нафтеното поле Шајба, меѓународниот аеродром „Крал Халид“ во Ријад и аеродромот во Абха.
Саудиските власти сè уште ги немаат потврдено овие информации, а извештаите за нападите загрижуваат поради можните прекини во снабдувањето со нафта на глобално ниво.
