Натпросечни температури и висок УВ-индекс и во наредните денови

Топлото време и високите температури ќе продолжат и во наредните денови. До крајот на неделава ќе биде сончево и многу топло со натпросечни температури кои ќе надминат 40 степени.

Од УХМР велат дека со прогнозираните температурни вредности ќе биде активирана жолта, а во југоисточните подрачја портокалова фаза за опасност од високи температури. Во среда ќе има изолирана појава на краткотраен пороен дожд и грмежи кога ќе има и пад на дневната температура за 3 до 5 степени.

Максималната температура ќе биде во интервал од 34 до 41 степен, а ќе има и висок УВ-индекс.