Пред неколку моменти стана јасно кој е изненадувачкиот гостин кој пристигна во Киев, а кој го најави Министерството за надворешни работи на Украина. Тоа е американскиот претседател, Џо Бајден.
Новинарката Хана Лијубакова на својот профил на Твитер со приложен видео клип напиша: „Ова навистина се случува. Бајден е во Киев на плоштадот Михајловски. Со звукот на сирените за воздушен напад, тој им оддаде почит на загинатите бранители на Украина.“
Украинското Министерство за надворешни работи утринава соопшти, да потсетиме, дека во Киев се очекува посета на еден од „главните“ западни партнери.
Од многу рано беа блокирани и голем број улици во главниот град, вклучувајќи ги и тие што се во близина на железничката станица и амбасадата на САД, објави „Украинска Правда“. Заменик министерот за надворешни работи, Андреј Мелник, рече: „Ајде оваа интрига засега да ја задржиме жива и да не претеруваме. Се надевам изненадувањето што се подготвува ќе се случи. Впрочем, за нас е важно во пресрет на првата годишнина од агресијата да почувствуваме и видиме не само вербална поддршка, не само солидарност, туку уште поголема помош и присуство на нашите важни, главни партнери во Киев“.
(Фото: ЕПА-ЕФЕ / Мишел Рејнолдс)
