Пентагон: Водач на Исламска држава убиен во Авганистан

Во напад на војската на исламските екстремисти минатиот месец во Авганистан загинал водач на Исламска држава, соопшти доцна синоќа Пентагон.

Се сомневало дека Абдул Хасиб Логари загинал на 27 април во нападот на базата во Нингархару во источен Авганистан, но официјалните лица тогаш не можеле да потврдат.

Логари бил еден од високо рангираните водачи на ИД во Авганистан кој загина во нападите на авганистанските специјални сили во партнерство со војската на САД, соопштуваат од Пентагон.

Командантот на војската на САД во Авганистан, Џон Николсон, изјави дека Логари е втор водач на ИД убиен во таа земја во последните девет месеци.

Кој било член на ИД да дојде во Авганистан ќе ја доживее истата судбина, Џон Николсон

Тој рече дека екстремистите почнале „варварска кампања со смрт, мачење и насилство на Авганистанци, посебно на оние во јужен Нангахару“.

„Ја поздравувам големата вештина и храброст која ја покажаа нашите авганистански партнери. Оваа борба ја јакне нашата решеност Авганистан да го ослободиме од терористи и да донесеме мир и стабилност на оваа голема земја“.

Логари раководел со нападот на воената болница во Кабул, во која на 8 март настрадаа повеќе од 100 луѓе, наведува Пентагон.

Тогаш авганистанските и американските вооружени сили почнаа противофанзива во провинцијата.