Променливото време не прави чувствителни

Наглите временски промени  помалку или повеќе влијаат врз нашето здравје. Временските разлики, кога за еден ден се менуваат две годишни времиња, си го прават своето: кај здравите луѓе се јавуваат тегоби кои до тогаш ги немале, а хронично болните се соочувааат со влошување на нивната здравствена состојба.

Најпогодени се жените во менопауза и секако хроничните болни кои секојдневно примаат терапија. Преминот од ладно кон топло време, од дождлив период кон сонце, создава поголеми непријатности отколку во спротивниот случај.

Скоро половина од светската популација страда од метереопатија, , која се уште не добила официјално место во медицината и покрај тоа што метеоролошките услови имаат големо влијание врз нашето здравје.

Поспаност, меланхонија, главоболки и депресија кога врне дожд,  до раздразливост,  варијации во крвниот притисок и нервоза кога има температурни промени – тоа се само мал дел од симптомите на кои се жалат метеопатите.

Лицата кои хронично страдаат од низок крвен притисок се жалат на поспаност, мрзоволност, намалена концентрација и енергија поради поизразената хипотензија.

Лицата кои страдаат од покачен крвен притисок чувствуваат неодредена непријатност, несоница, главоболка, гушење поради поизразената хипертензија. А, ревматичните болни пак, се чини дека страдаат најмногу, болките во коските и зглобовите стануваат неподносливи и често знаат да не реагираат на терапија.

Како да ја ублажиме метеопатијата?

Студените и слатките пијалоци, вклучувајќи го и алкохолот, заменете ги со многу вода и незасладени билни чаеви, бидеќи една од можните причини за главоболка и низок крвен притисок е и дехидратацијата.

Кафето заменете го со зелен чај, бидејќи содржи кофеин и полифеноли кои се силни антиоксиданси и не само што ќе ве освежи туку и ќе ви ја подобри концентрацијата  и благопријатно ќе делува врз крвниот притисок и шеќерот во крвта.

зелен чај

Тортите, колачите и чипсот заменете ги со една убава голема порција овошна салата и неколку порции салати од разни видови зеленчук, како краставичките, доматите и зелката.

Мрсната храна заменете ја со риба и морска храна, житарици, млечни производи со низок процент на масти и верувајте нема да погрешите.

Стресот на работното место заменете го со малку мир и тишина, посветете си дел од денот за релаксација и одмор, дремка, топла бања, тивка музика, а се препорачува и мала прошетка во попладневните часови.

Јогата и медитацијата почнуваат се почесто да се применуваат и кај нас, како дел од современото справување со стресот.

јога