Радев „нишани“ во македонскиот Устав: „Македонските Бугари па се друго!“

LinkSense.mk

Бугарскиот претседател Румен Радев пред премиерот Димитар Ковачевски изрази очекување за зголемена доверба меѓу Софија и Скопје за да се олесни работата за нерешените политички прашања, кои го попречуваат почетокот на преговорите на Македонија за членство во Европската Унија.

Заедно со работата по прашањата за економската соработка, културата и образованието, Радев очекува Софија и Скопје да обрнат внимание на нерешените политички прашања меѓу двете земји.

На средбата „во четири очи“ со премиерот Ковачевски, Радев, како што соопштија од неговиот кабинет, поставил прашање за правата на граѓаните од Македонија со бугарска самосвест и нивното впишување во Уставот на земјата.

Според Радев, впишувањето на македонските Бугари во македонскиот устав, гарантирањето на нивната рамноправност со другите народи во земјата, ќе даде поттик и можност Бугарија да ја отвори вратата за почетокот на преговорите за членство.

Заедно со тие механизми, кои ги разгледувавме и претходно во пакетот 5+1, веќе 4+1, ќе имаме неповратност и јасни механизми, кои ќе гарантираат и отстранување на јазикот на омраза од двете страни“, истакна Радев.

Премиерот Ковачевски, се осврна на новата динамика на работа на двете земји.

Ако успееме да ги решиме, а успеваме да ги решаваме, како економските, така и другите проблеми од реалниот живот, ние ќе ги надминеме политичките проблеми, а вие знаете, дека јас лично се залагам за еднакви права и еднакви можности за сите граѓани на Република Северна Македонија“, нагласи Ковачевски.

Радев се надева дека ќе има временска рамка со краткорочни задачи кои Скопје и Софија треба да ги решат пред земјата да ни даде „зелено светло“ за почеток на прегови меѓу Скопје и Брисел.

 

 

 

 

 

(Инфо: МИА)