Плакати со обвинувања против папата Фрањо осамнаа во саботата утрото на општинските огласни табли низ Рим во близина на Ватикан.
Како и обично кога на своите табли ќе најдат плакати за кои не е платена такса, општинските редари ги прелепиле со листови на кои пишува „незаконско лепење“ – но внимавајќи притоа да не го покријат фотографијата на Папата со лут израз на лицето, ни реторичкото прашање на римски дијалект: „А каде е твоето сочувство?“
Покриен е, имено, и дијалектичкиот назив на кој името на папата е искривено.
Непотпишаните му замеруваат на папата затоа што „вовел присилна управа во Конгрегацијата, ги тргнал свештениците, го обезглавил Малтешкиот ред и ги игнорирал кардиналите“.
Игнорирањето на кардиналите главно се однесува на кардиналот Рајмонд Ле Бурке и уште тројца кои инсинуираат дека папата со постконцилски документ „Аморис лаетитиа“, каде им препушта на бискупите да проценат дали и кога можат да ги причестат преженетите, влегол во кривоверство, што би било причина за негово сменување.
Иако е без потпис, плакатата носи јасен потпис на конзервативните сили во Црквата, вознемирени затоа што пропаднал обидот на кардиналот Бурке, како покровител на Малтешкиот ред, да ги поттикне против папата.
