Раководството на ВМРО-ДПМНЕ треба да го преиспита својот став за непризнавање на изборниот процес, велат од СДСМ во реакцијата на прес-конференцијата на Влатко Ѓорчев од ВМРО-ДПМНЕ.
Нагласуваат дека опозициската партија во прв план треба да ги стави интересите на граѓаните што е од суштинско значење за подобар живот за сите граѓани.
„ВМРО-ДПМНЕ не може да најде оправдување за убедливиот пораз на локалните избори за кои и тие самите знаат дека се одржаа во фер, слободна и демократска атмосфера, велат од партијата.
„Раководството на ВМРО-ДПМНЕ треба да го преиспита својот став за непризнавање на изборниот процес, во прв план да ги стави интересите на граѓаните и државата и да даде конструктивен придонес во реформскиот процес што е од суштинско значење за подобар живот за сите граѓани.
Граѓаните по подолго време имаа можност да одлучуваат на фер и регуларни избори на кои избраа промени и живот за сите во Македонија, велат од партијата.
