СДСМ: ВМРО-ДПМНЕ се закопа, очигледна е паниката кај Милошоски и Мицкоски од Законот за Јавно обвинителство

ВМРО-ДПМНЕ се закопа, пушта снимки од разговори од време кога сите знаеа дека предметите на СЈО беа под закана.

Токму неовластено снимениот разговор покажува зошто мораше да се донесе Законот за јавно обвинителство – покажува како со него се надминува одлуката на Врховен суд. Со Законот овозможивме сите предмети да добијат правна разрешница врз основа на обезбедените докази.

Милошоски го знае новиот закон, тој, Груевски и Мицкоски знаат дека предметите ќе добијат пресуди врз основа на обезбедените докази.

Спасени се доказите, спасени се предметите, само криминалот на ВМРОДПМНЕ не е спасен. Затоа е паниката кај Милошоски, затоа е паниката во белиот дворец.

Ништо не е сменето во ВМРО-ДПМНЕ. Тоа е истата партија која под режим ја држеше државата и граѓаните, партија – симбол на криминалот и корупцијата. ВМРО-ДПМНЕ раководена од Мицкоски, а управувана од Груевски се заканува дека ќе го врати назад режимот, а државата назад во изолација. Но тој филм нема да го гледаат, на 12 април граѓаните ќе порачаат режим никогаш повеќе!

Социјалдемократски сојуз на Македонија