Опозициската СДСМ денеска во соопштение до медиумите повторно се навраќа на темата за Алта банка Битола при што прашува дали во трезорот и во документите на банката има 80 милиони евра, како и во кое својство преговарал премиерот Христијан Мицкоски во врска со продажбата на битолската банка.
Од СДСМ посочуваат на случуавњата во Србија, каде што е отворен стечај за Алта банка Бечград, како и дека е уапсен сопственикот на банката Давор Мацура.
„Има истрага, сомнителен капитал, сомнежи за 380 милиони евра. Во банката на Мацура во Србија се покажа дека парите реално и физички никогаш не биле во трезорот на банката, туку постоеле само како фиктивно заведени бројки во сметководството. Прашањето е дали во трезорот и документите на Алта банка Битола постојат 80 милиони евра кеш или соодветни кеш еквиваленти? Толку стои во билансот на банката“, се вели во соопштението од СДСМ.
Од таму додаваат дека гувернерот Трајко Славески имал доволно време тоа да го провери, како и дека бараат таквата информација „веднаш да се огласи и да соопшти“.
Од СДСМ нагласуваат дека веќе 11 месеци предупредувале за сомнителниот капитал и барале институционална реакција, истрага и кривична одговорност од сите инволвирани во носењето на Алта банка во Македонија.
Тие се осврнуваат и на изјавата на гувернерот Славески кој „ја посочи улогата на Мицкоски во одлуката за влез на Алта банка во Македонија“.
„’Со премиерот секако’, кажа Славески додавајќи дека станува збор за ‘политичка сензитивност’. А Народна банка по закон треба да е независна институција“, велат од СДС; додавајќи дека „независноста завршува таму каде што почнуваат интересите на Мицкоски. Тој е гувернер, бизнисмен, судија, обивнител, тој одлучува за се“.
Ова, како што се наведува во соопштенито, „е потврда на она што СДСМ 11 месеци го говори, одлуката на Мицкоски била клучна во носењето на Алта банка во Македонија“.
Според СДСМ, Мицкоски донел одлука за влез на „пералницата на пари на Вучиќ во Македонија“, тој носел заклучоци за продажба на акции од јавни претпријатија на Мацура сега тој ќе преговара за продажба на Алта банка Битола.
„Во кое својство? Како премиер преговара за продажба на банка кога Народната банка е независна институција?“, прашуваат до СДСМ, повикувајќи го Обвинителството да реагира веднаш, да отвори истрага, а сите вмешани во носењето на Алта банка во Македонија да одговараат
