Рускиот државјанин Иља Сидоров (26) е уапсен под обвинение дека стои зад играта „Син кит“, која ја поврзуваат со самоубиствата на 130 лица.
Се претпоставува дека Сидоров е поврзан е со Филип Будејкин, 21-годишен Русин, кој е веќе зад решетки под исто обвинение.
Сидоров се сомничи дека „охрабрувал младите да си наштетат себе си и на крајот да извршат самоубиство“.
Полицијата сега го испитува „скромниот поштар“ поради тврдењето на едно 13-годишно девојче дека го предизвикал да скокне под воз.
Децата кои се приклучувале добивале наредби себе си да си наштетат со остри предмети, да гледаат хорор филмови и да останат без сон додека извршуваат низа задачи кои имаат за цел да наштетат на нивниот ментален развој, а според објаснувањето на „играта“, 50 ден децата се согласуваат да извршат самоубиство.
Сидоров е уапсен затоа што, наводно, регрутирал 32 ученици во својата група.
Тој би можел да добие петгодишна казна затвор само поради тој случај, а од Министерството за внатрешни работи е соопштено дека Сидоров бил следен и поради случајот на едно четиринаесетгодишно девојче, која се обиде да се убие годинава во март.
„Осомничениот рече дека е администратор на таканаречената „група за самоубиства“ која се состои од 32 малолетни членови. Им давал задачи кои воделе кон самоубиство. Осомничениот е префрлен во затворот во Цељабинск“, се наведува во соопштението.
Претходно е уапсен Будејкин, осомничен дека стои зад „социјалната мрежа Син кит“.
Пред надлежните сега е да утврдат кој е одговорен за самоубиствата кои сеуште не се истражени, а за кои постојат сомневања дека имаат врска со активностите со кои се занимаваат уапсените Руси.
