Денес сме овде пред министерството за здравство за да му дадеме совет на неспособниот министер Таравари дека кога во државата има сериозна ситуација, опасна болест за чие ширење тој лично е виновен, и кога заради неодговорноста на министерот се губат човечки животи, министерот треба да е тука а не да седи во Америка во луксузни платени хотели и да ни држи лекции и неинвентивно под притисок да филозофира, вели Дафина Стојаноска од ВМРО-ДПМНЕ во изјава за медиуми.
Под раководство на некадарниот Таравари Министерството за здравство станува сининоним за негрижа и неспособност, и станува главен промот на хаос и неизвеснот за граѓаните.
„Граѓаните со право се загрижени. За само два месеци министерување на Арбен Таравари се сруши целиот здравствен систем. Поради неажурноста на Министерот во гостиварска Симница се случи епидемија на хеморагична треска и тоа од најлесниот облик од која починаа две лица, десет се хоспитализирани, а за десетици не се знае дали се инфицирани или не.
Исти вакви случаи во минатото биле успешно лекувани и немало жртви, а уште помалку епидемии. Тоа впрочем сам го призна министерот.
Ова е резултат на неодговорноста на министерот кој состојбата ја надгледува од Соединетите американски држави и нема абер да дојде тука во Македонија за да се справи со алармантната ситуација.
„Уште колку жртви треба да се случат за Таравари да се врати во Македонија? Уште колку човечки животи треба да изгубиме за Таравари да ја понесе својата одговорност.
Недозволиво е лицата заболени од хеморагична треска да биле погрешно третирани со денови. Недозволиво е да се немало соодветен реагенс за навремено дијагностицирање.
Недозволиво е да не се превземат мерки за дезинфекција, изолирање на причинителот и воспоставување на карантин и на тој начин навреме не се спречило ширење на болеста и потенцијално заразување на стотици и илјадници лица од Симница и гостиварскиот регион.
Премногу е сериозно за Таравари по вибер и видео изјави да се справува со ваква сериозна работа.
Оставка е тоа што најмалку може да го направи Таравари сега.
