Талибанците тргнаа од врата на врата: Наскоро ќе почнат да „паѓаат глави“

Талибанците почнаа да ги „посетуваат“ оние кои соработувале со западот и во текот на ноќта на влезната врата да им оставаат застрашувачки писма.

Во белешките на жртвите им наредуваат да дојдат на суд кој го свикуваат новите власти. Ако тоа не го сторат, им следи смртна казна.

Еден од оние кои го примиле ова предупредување е и Наз, 34-годишен татко на шест деца чија градежна компанија и помогнала на британската војска во изградба на патишта во Хелманд и пат во кампот Бастион.

Тој се пријавил да се пресели во Британија во рамки на авганистанската програма за преселба, но бил одбиен.

Писмото е службено и со печат. Тоа е јасна порака дека сакаат да ме убијат, ако одам на суд ќе платам со својот живот“, вели Наз.

Ако тоа не го направамќе ме убијат. Затоа се кријам, обидувајќи се да најдам начин да избегам. Но, потребна ми е помош“, додаде тој.

Втората жртва, поранешен британски воен преведувач, е предупредена дека е „шпион на неверниците“ и да се предаде или ќе плати со живот.

Третото ноќно писмо го предупредило братот на преведувачот дека е осуден на смрт затоа што го крие, додека четвртото е пронајдено во чевли на, исто така, британски воен преведувач, додека се молел во џамија.

Писмата се традиционален авганистански метод за заплашување. Ги користеа борци муџахедини во текот на советската окупација, а потоа и Талибанците како пропагандно оружје и како закана. Често се користеа во руралните средини, а сега се шират и во градовите.

Оние кои ги примиле воените преведувачи се осмислени така за да шират страв и да ги почитуваат талибанските директиви со закани за насилство или смрт ако „барањата не се исполнат“.

Шир (47), работел на првите линии на фронтот во Хелманд и имал квалификации за да замине од земјата, но не можел да се пробие низ гужвата на аеродромот за да се качи на летот за евакуација.

Мојата ќерка го најде писмото заковано на вратата. Бараат од мене да се предадам на судот на исламскиот Емират или тие ќе ме пронајдат и ќе ме убијат“ вели Шир.

Тој веднаш се иселил од неговиот стан и сега се крие.

Тоа е писмо кое е напишано да внесе страв, предупредување и закана за тебе и твоето семејство. Мораш да се покорис на наредбите на Талибанците или да се потрудиш да не те фатат“, заклучи Шир.

 

 

 

(Фото: АП)