Меѓународната рејтинг агенција „Фич“ го зголеми кредитниот рејтинг на Хрватска, првпат од 2004 година, објави хрватската агенција Хина.
Рејтингот на земјата се зголемува од „ББ” на „ББ +” со стабилна перспектива. Одлуката е произлегува од одличната туристичка сезона и подобрувањето на јавните финансии, наведе Хина.
Економскиот раст на Хрватска во 2017 година остана на ниво од три отсто, а очекувањата се дека и во прогнозираниот период растот ќе продолжи. Економистите, исто така, очекуваат ниско ниво на инфлација.
