„ЦРВЕНИТЕ ЃАВОЛИ“ КОНКРЕТНИ: Манчестер Јунајтед сака да го донесе Нејмар

LinkSense.mk

Јунајтед го сака Нејмар, како засилување за следната сезона во Лига на шампиони. За Бразилецот интерес покажува и Челзи…

 

Париз Сен Жермен и Манчестер Јунајтед почнаа преговори за трансфер на Нејмар (31), објави Л’Екип.

Бразилската ѕвезда, за која парижаните во 2017 година на Барселона и платија рекордни 222 милиони евра, размислува за промена на клубот иако договор е до летото 2027 година.„Светците“ се подготвени да се ослободат од Нејмар, а ќе останат и без Лионел Меси, кој најави заминување.

„Л’Екип“ тврди дека за Нејмар се заинтересирани неколку клубови од Премиер лигата, но досега најмногу напредувале преговорите со клубот од Манчестер.

Покрај Јунајтед, претходно се споменуваше и интересот на Челзи и Њукасл.

Да потсетиме, уште кога беше во Барселона, Нејмар го пофали англискиот фудбал и рече дека им се восхитува на Манчестер Јунајтед, Челзи, Арсенал и Ливерпул.

Јунајтед е на четвртото место во Премиер лигата и му треба еден бод во последните два натпревари за да обезбеди пласман во Лигата на шампионите следната сезона.

Со овој мотив, Л’Екип тврди дека Касемиро (31) се обидува да го убеди својот сонародник да дојде во Јунајтед, каде би играле заедно како во репрезентацијата на Бразил.

Манчестер Јунајтед сака да го донесе Нејмар на позајмица, додека ПСЖ сака да го продаде.

Се очекува средба меѓу претставниците на Нејмар и спортскиот советник на ПСЖ, Луис Кампос, кој ја извршува функцијата спортски директор.

„Л’Екип“ заклучува дека Челзи го следи развојот на ситуацијата, но голем проблем е што, во оваа за нив и за нивните фанови разочарувачка сезона, не се пласираа во Лигата на шампионите.