Програмските сервиси на државно ниво опфатени во првиот круг од локалните избори генерално обезбедија еднакви услови за пристап до сите облици на изборно медиумско претставување, соопшти Агенцијата за аудио и аудиовизуелни медуимски услуги.
Според АВМУ, голем дел од нив вложиле напори да организираат и дебатни соочувања на учесниците во изборниот процес, но како што потенцираат од Агенцијата, дел од кандидатите учествувале во посебните информативни емисии кај едни медиуми, а не одговарале на повици на други медиуми.
Јавниот радиодифузен сервис и Собранскиот канал ги исполниле обврските да обезбедат бесплатно политичко претставување кое учесниците во изборната кампања го искористиле со различен интензитет. како што посочуваат од АВМУ, карактеристоично е што партиите на Албанците во Македонија не ја искористиле можноста за бесплатно претставување.
Во последните девет дена од изборната кампања од 5 до 13 октомври радиодифузерите што емитувале програма на македонски јазик, во вестите биле фокусирани на известување на кампањите на двете коалиции кои имаа најголем број потврдени листи со кандидати за градоначалници и советници. едната предводена од СДСМ, другата од ВМРО-ДПМНЕ.
Радиодифузерите, пак, што емитуваат програма на албански јазик, имале квантитативно повоедначен пристап во известувањето, а и едните и другите квалитативно настојувале да обезбедат еднаков третман.
Во овој извештаен период не било констатирано прекршување на барањето за правично избалансирано и непристрансо покривање на изборите.
