Цената на биткоинот падна под 20.000 долари за прв пат од декември 2020 година. Највредната криптовалута продолжува слободно да паѓа во екот на финансиската криза предизвикана од инфлацијата и војната во Украина. Биткоинот рано утринава падна за повеќе од девет проценти на 18.700 долари. Ова е рекорден 12-ти ден во низа во минус, пишува Блумберг.
Падот на биткоинот е придружен со етерот, втората по големина криптовалута. Етерот ја „скрши“ досегашната вредност од 1.000 долари и падна за речиси 11 отсто, на 975 долари. Ова е најниско ниво од јануари 2021 година.
„Иако е болно, повлекувањето на инвеститорите од секторот на криптовалути е веројатно здраво бидејќи тие го префрлаат фокусот на проекти со јасни планови за готовински текови и профитабилност наспроти чист раст на приходите“, коментира Алкеш Шах, менаџер за стратегија за крипто и дигитални средства во Националната американска банка.
Лошите вести и високите каматни стапки и наштетија на најризичната сопственост, како што се криптовалутите, придонесувајќи за пад на биткоинот за околу 70 отсто од рекордното ниво во ноември.
ФЕД ги зголеми клучните каматни стапки на 15 јуни за три четвртини процентен поен, што е најостра реакција од 1994 година, а централните банкари сигнализираа дека каматните стапки ќе продолжат агресивно да растат оваа година во борбата против инфлацијата.
Уште поголема паника во крипто светот настана по колапсот на блокчејнот „Тера“ минатиот месец, а состојбата дополнително се влоши оваа недела по одлуката на криптобанката „Целзиус“ да ги прекине сите активности.
Голема загуба претрпеа и крипто фондовите. И тие тргна по стапките на „Целзиус“ и вчера ги замрзна сите активности.
Дури и долгогодишните сопственици кои досега избегнуваа да продаваат се под притисок.
„Растечките стравови од рецесија го попречуваат апетитот за ‘ризични средства’ и затоа трговците со криптовалути остануваат внимателни при купување биткоини по вака ниски цени“, рече Едвард Моја, висок пазарен аналитичар во „Оанда“.
И Алткоините не беа исклучок, па дури и оние најпознатите, кардано, солана, догекоин и полкадот, забележаа дневни падови меѓу седум и десет проценти.
