Биткоинот денеска достигна нова рекордна вредност од 68.530,34 долари. Ова се случува само неколку недели откако го достигна претходното рекордно ниво од речиси 67.000 долари пред да му се случи падот од 12 отсто.
Во исто време, втората најголема криптовалута на светот етереумот исто така достигна рекордно ниво искачувајќи се на 4.837,59 долари.
Некои вложувачи предвидуваат понатамошен раст на биткоинот и покрај сталните критики од страна на извршниот директор на „ЏП Морган“, Џејми Димон, кој највредната светска криптовалута ја нарече „безвредна“.
„Овој пробив на биткоинот може да сигнализира почеток на последното движење за четвртото тримесечје пред да се случи криптопазарот да покаже поизразена консолидација во следната година“, се наведува во техничко-стратешкото известување објавено вчера.
Уште една теорија за актуелниот пораст на биткоинот е наизглед сепоприсутниот Елон Маск, најбогатиот човек на светот. Следбениците на Маск на Твитер во анкетата што ја постави гласаа милијардерот да продаде 10 отсто од неговиот удел во производителот на електрични автомобили „Тесла Инк.“
Тоа отвара прашање што би можел да направи со заработката. Маск претходно рече дека би сакал биткоинот да успее и дека лично купил биткоин, етхер и догекоин, пренесе Блумберг.
Мишел Сајлор, извршниот директор на компанијата „МикроСтратеџи Инк.“ зборуваше за предностите на биткоинот во одговор на твитот на Маск со анкетата.
„Претворањето на билансот од ‘Тесла’ во биткоини би донело диверзификација, заштита од инфлација и повеќе за сите вложувачи на даночно ефикасен начин“, рече Сајлор.
Стар нешто повеќе од една деценија, пазарот на дигитални недвижности ја зголеми својата вредност за близу четири пати до крајот на 2020 година.
„Некои технички показатели сугерираат дека порастот на биткоинот може да биде последица на пауза“, вели Кејти Стоктон, основач на „Фаирленд Стратеџис ЛЛЦ“.
