Се надеваме дека заедно со нашите браќа од Северна Македонија, следната година ќе ја прославиме 150-годишнината од раѓањето на Гоце Делчев.
Ова го изјави бугарскиот премиер Бојко Борисов по повод годишнината од раѓањето на големиот револуционер, јави дописникот на МИА од Софија.
-Денеска се навршуваат 149 години од раѓањето на Гоце Делчев – војвода, активист на македонско-одринското револуционерно ослободително движење, меѓу нашите најистакнати заеднички историски херои.
Се надевам дека имаме мудрост следната година, заедно со нашите пријатели и браќа од Северна Македонија, да го прославиме неговиот 150-годишен јубилеј, обединети и заедно на патот на европската интеграција“, рече премиерот Борисов.
