Британскиот гигант во тутунската индустрија Бритиш Американ Тобако (БАТ) потврди дека под службена истрага на Американската канцеларија за тешки измами (СФО) поради обвинение дека потплатувал политичари и државни службеници во земјите на источна Африка.
Од БАТ соопштуваат дека ги истражуваат таквите обвиненија преку надворешните правни советници и дека соработуваат со Американската канцеларија за тешки измами.
„Како што веќе известивме, преку надворешни правни советници ги истражуваме обвиненијата за непримерно водење на работата“, се наведува во соопштението од БАТ после објавата на веста дека СФО покренал службена истрага.
Од СФО потврдуваат дека „ги истражуваат сомнежите за корупција во водењето на работата на БАТ, на неговите подружници и на одговорните лица во нив“.
Би-Би-Си објави дека БАТ извршувал незаконски исплати кон политичари и државни службеници во источна Африка.
Телевизијата пет месеци истражувала и добила на увид стотина доверливи документи кои сведочат за давање на поткуп на разни претставници, вклучувајќи и застапници во парламентот па дури и лица кои работат за конкурентски компании во земјите на источна Африка.
Тогаш од БАТ за Би-Би-Си изјавија: „Вистина е дека не ја толерираме корупцијата, ниту ќе ја толерираме кога и да е, без оглед каде таа се случува“.
