Вархеји, Фон дер Лајен и Мишел веќе ја гледаат Македонија во ЕУ

Оливер Вархеји, Урсула фон дер Лајен и Шарл Мишел на Твитер ја поздравија денешната одлука на Собранието за заклучоците за францускиот предлог.

Еврокомесарот за проширување, Вархеји, напиша дека го поздравува гласањето во Собранието, што на Владата и дава чист мандат за почеток на првата Меѓувладина конференција базирана на францускиот предлог.

„Се радуваме на отворањето на пристапните преговори во вторник кога ќе се сретнеме во Брисел за првата Меѓувладина конференција“, напиша Вархеји.

Претседателот на Европскиот совет, Шарл Мишел порача дека денешното гласање го поплочува патот за одржување на Меѓувладина конференција идната недела.

„Ова е суштински чекор на земјата и за ЕУ. Нашата иднина е заедничка и ве чекаме со отворени раце“, напиша Мишел на Твитер. 

И Претседателката на Европската комисија, Урсула фон дер Лајен, ја поздрави одлуката на македонскиот парламент за изгласаните заклучоци за францускиот предлог.

Ursula von der Leyen@vonderleyen

Congratulations to North Macedonia on the vote that now paves the way for opening the accession negotiations rapidly.   It was a historic opportunity.   And you seized it.   A big step on your path towards a European future. Your future.

„Честитки за Северна Македонија за гласањето што сега го отвора патот за брзо отворање на пристапните преговори. Ова беше историска шанса. И вие ја зграпчивте. Голем чекор на вашиот пат кон европска иднина. Вашата иднина“, објави, Урсула фон дер Лајен.