Најмалку 19 лица, меѓу кои девет деца, загинаа во пожар во станбена зграда во Њујорк, јави Би-Би-Си.
Пожарот, наводно, избувнал на вториот или третиот кат од 19-катница во Бронкс. Си-Ен-Ен јавува дека уште најмалку 63 лица се повредени, а од нив 32 се во критична состојба.
Командантот на противпожарната единица, Даниел Нигро, рече дека ваков пожар е „без преседан“ во Њујорк.
19 people killed, including 9 children in tragic Bronx apartment building fire. It’s one of the worst fire disasters in New York City history. pic.twitter.com/TWzjaJSRhW
— Mike Sington (@MikeSington) January 9, 2022
Огнот избувна само неколку дена откако во пожар во станбена зграда во Филаделфија загинаа 12 лица, од кои осум беа деца.
„Ужасен, ужасен момент“
„Ова е ужасен, ужасен, болен момент за Њујорк. Тоа ќе биде најлошиот пожар во нашата историја. Знаеме дека имаме 19 мртви, неколку луѓе во критична состојба и повеќе од 63 повредени“, рече градоначалникот Ерик Адамс.
BREAKING: New York City mayor says Bronx fire "one of the worst" in city's history; at least 61 injured, "numerous" feared dead pic.twitter.com/eLhcNQbpsc
— BNO News (@BNONews) January 9, 2022
Новиот градоначалник на Њујорк, поранешен полицаец, истакна дека „ова е вистинска трагедија, за Бронкс и воопшто за градот“.
На фотографиите објавени на социјалните мрежи се гледаат голем пожар и густ црн чад што извира од прозорците на една повеќекатница во Бронкс, голема населба во северниот дел на Њујорк.
Пожарникарите првично известиле за околу триесетина повредени.
#NewYork#FDNY firefighters are currently battling a 5 alarm fire in the Bronx, reports say that 15 civilians are injured –⛑️⛑️ CPR in progress on numerus people including children. pic.twitter.com/87jQmm5NtW
— RawNews1st (@Raw_News1st) January 9, 2022
Пожарот избувнал нешто пред 11 часот во стан на две нивоа, на вториот и третиот кат од зградата, и се проширил на сите катови.
Жртвите се пронајдени на скалите на секој кат од зградата, а многумина починале од срцев удар.
Повредените најчесто имаат проблеми со дишењето поради вдишување чад.
Њујорк, метропола со девет милиони жители, е погоден од станбена криза, а зградите често се дотраени и лошо одржувани.
