„Институциите предводени од СДСМ преземаат сѐ за да се заштитат граѓаните и нивниот стандард, во време на глобална економска криза. Замрзнатата цена на лебот од 33 денари е обврска за производителите и трговците“, се вели во соопштението на Социјалдемократите.
Контролитена надлежните институции, информираат од партијата, продолжуваат да ја следат состојбата низ сите градови во државата.
„Одлуката за замрзнување на цената на белиот и полубел леб од 450 грама е оправдана, фер и е во интерес на граѓаните“, стои меѓу другото во партиското соопштение.
Оваа цена, велат, носела и профит за производителите, имајќи ја предвид помошта од државата во вид на драстично намалена цена на електричната енергија што досега ја добивале пекарниците, како и цените на природен гас, на нафтата, пченицата и брашното.
Сметаат дека било многу срамно што ВМРО-ДПМНЕ застана во одбрана на профитерите, против заштита на стандардот на граѓаните и јавно барале поскап леб за граѓаните.
Наместо да застанат зад интересите на граѓаните, во време на глобална криза, ВМРО-ДПМНЕ под заложништво на Левица застанале зад профитерите.
ВМРО-ДПМНЕ уште една покажале дека е истата онаа партија којашто 11 години ги осиромашуваше граѓаните, додека поединци се богатеа на сметка на народот.
„СДСМ е со граѓаните и нема да дозволи некој да профитира на нивниот грб и да ги осиромашува“, заклучуваат Социјалдемократите.
