Од ВМРО-ДПМНЕ, денеска ги објавија имињата на кандидатите за градоначалници за девет општини.
За Прилеп предложен е Марјан Ристески, актуелен градоначалник на општината, за Брвеница, Стојан Тодороски долгодишен активист и претседател на Општинскиот комитет на ВМРО-ДПМНЕ, за општина Демир Капија, Трајче Димитриев, инаку актуелен градоначалник, за општина Новаци, Лазар Котевски, исто така актуелен градоначалник.
За општина Ѓорче Петров, Извршниот Комитет на ВМРО-ДПМНЕ, го предложил Владо Мисајловски, поранешен министер за транспорт и врски, за општина Гостивар, Дафина Стојаноска, ёа општина Тетово, Горан Манојлоски, ёа општина Радовиш, Сашко Николов кој е актуелен градоначалник, и за општина Вевчани, Цветомир Угриноски, исто така актуелен градоначалник на општина Вевчани.
„Кандидатите кои ги предлага ВМРО-ДПМНЕ со својата посветеност, одговорност и темелност кон работата ќе придонесат кон подобрување на реалните потреби на граѓаните, унапредување на комуналните услуги, подигање на нивото на квалитет на инфраструктурата и континуиран просперитет на општините кои ги водат или ќе ги водат во период кој што доаѓа.
„Доказ за тоа се обемните програми кои во соработка со граѓаните и со врвни експерти се изготвуваат, а кои ќе значат нови дела за сегашните, но и за идните генерации, изјави на денешната прес-конференција генералниот секретар на партијата Кристијан Мицковски.
Додаде дека ВМРО-ДПМНЕ се водело исклучиво според личниот и професионалниот капацитет на кандидатите, нивниот досегашен придонес, но и визијата за локалниот развој во општината во која се кандидира.
Сите кандидати, уживаат углед, кредибилност и поддршка помеѓу граѓаните што е гаранција за напредок и реализација на бројни проекти во интерес на локалната заедница “.
Според него, граѓаните за овие сто дена ја виделе разликата меѓу ВМРО-ДПМНЕ и СДСМ и како што потенцира овие избори не се само избори на кои граѓаните гласаат само за свој градоначалник и локална власт.
Овие избори, потенцира тој, се шанска катастрофално да се казнат штетните и антиреформски политика на неспособната влада на СДСМ и отворање на можноста да се казни партијата која после скоро 100 дена предизвикала таков хаос од кој последиците ќе се чуствуваат и во наредните години.