„Верувам дека треба да има апликација за јавна конверзација за повеќе од милијарда луѓе.Твитер имаше прилика да го направи тоа, но не ја поставија.Ние сакаме и ќе направиме“ – е првата објава на Марк Цукерберг на новата социјална мрежа „Триад“ (Thread), за која тврди дека имала 5 милиони регистрирани во првите четири часа од работењето.
Компанијата на Цукерберг, „Метаверс“, која ги контролира Фејсбук, Инстаграм и Ватсап и голем број други бизниси, не крие дека го лансираше „Триад“ затоа што препознала можност да го нападне Твитер, кого неодамна беше купен од Илон Маск за 44 милијарди долари, па потоа отпушти четири петтини од вработените, ги промени алгоритмите, а со тоа и корисничкото искуство, ги налути огласувачите и се заколна на речиси „апсолутна слобода на говор“, што е негова најголема предност.
Не требаше многу време да се чека за одговорот на Илон Маск на објавата на Цукерберг. Тој преку Твитер порача дека го откажал својот профил на Инстаграм.
Се чини дека сега стана кристално јасно дека двајцата големи бизнисмени, Цукерберг и Маск, нема да се борат во кафезот на УФЦ, туку најавија деловна пресметка која најверојатно ќе трае до „последен здив“.
Маск има огромно искуство во многу разноврсни бизниси, а Цукерберг изгледа располага со најголема акумулација на знаење кога се во прашање социјалните мрежи и сосем сигурно не случајно донел одлука за лансирање на „Триад“, чија деловна цел е да го нападне Твитер.
Накратко,Маск и Цукерберг се степаа, но не баш физички, што не значи дека такво нешто во целост е исклучено во иднина.Но, треба да се нагласи дека Цукерберг и Маск не се вклопуваат во профилите на славните кои во поновата историја организирале јавни физички пресметки со други познати лица.
Инаку, „Триад“ е апликација развиена од Инстаграм за директна јавна и меѓусебна комуникација во реално време.
На некој начин, „Триад“ треба да биде надградба на Инстаграм, а менаџерите на „Метаверс“ порачуваат дека посебен потенцијал гледаат во новиот „пријателски дигитален простор“ што ќе се отвори за заедниците.
„Триад“ е многу сличен на Твитер: корисниците можат да објавуваат главно текстуални пораки во препознатливиот т.н. „scrolling feed“, а сето тоа за луѓето да ги следат и да им коментираат.
Можна е и објава на фотографии и видеа, но апликацијата моментално не поддржува директни пораки. Инстаграм најави можност за инсталирање на овој додаток доколку корисниците го побараат тоа.
„Њујорк тајмс“ од близу ја објаснува генезата на „Триад“ и неговото позиционирање: „Инстаграм ги започна своите напори да го нападне Твитер кон крајот на минатата година, со десетици инженери, менаџери на производи и дизајнери кои нудеа идеи за тоа како може да изгледа една конкурентна апликација. Помеѓу идеите за кои тогаш разговарале работниците на Мета беше поопсежно воведување на функцијата наречена „Инстаграм белешки“ (Instagram Notes). На крајот одлучија дека треба да има апликација за пораки и го изградија она што стана „Триад“…
Целта на Инстаграм е „Триад“ да биде „здружен универзум на услуги“.
(Фото: „Гети Имиџис“)
