Кучешка болест која за прв пат се шири меѓу кучињата во Велика Британија зарази три лица.
Неизлечивата состојба, наречена „Бручела канис“ (Brucella canis), може да доведе до неплодност, куцање и болка кај кучињата. Но, сега три лица за првпат се заразиле со бактериска инфекција, објави Агенцијата за здравствена безбедност на Велика Британија.
Болеста е ендемична на места како што е Источна Европа, а претходно болеста беше забележана само во изолирани случаи кај животни увезени од регионот, но сега случаите кај кучињата во Велика Британија вртоглаво се зголемија, со рекордни 91 забележани само оваа година.
Експертите веруваат дека новите случаи доаѓаат од контакт помеѓу британските кучиња и увезените кучиња во одгледувачниците, како и потомството увезено од одгледувачите. Имаше само девет случаи во 2020 година, па се искачи на 36 следната година и повторно на 55 во 2022 година.
До јули оваа година, во Велика Британија беа идентификувани 91 случај, според владиното истражување. Меѓувладината група „Human Animal Infections and Risk Surveillance“ (HAIRS) рече дека иако ризикот за човечката популација е низок, одгледувачите на кучиња, луѓето кои работат на ветеринари или одгледувачници и сопствениците на заразени кучиња, имаат поголем ризик од изложеност на заразени кучиња.
Тешките случаи може да бидат опасни по живот, а имунокомпромитираните лица се изложени на поголем ризик. Во новиот извештај објавен за Бручела канис, HAIRS рече дека вкупно три случаи на човечка инфекција се потврдени во Велика Британија.
Извор/Фото: МИА
