Во поплавите што минатата недела ги погодија Непал и Кина бројот на жртвите се искачи над 900, а повеќе од 4.700 лица се водат како исчезнати, а сè уште траат спасувачките операции во погодените подрачја, изјави портпаролот на непалската армија, генерал Раџа Рам Басенбт.
Повеќе странски спасувачки тимови им помагаат на локалните спасувачи во потрага по 90 заробени работници во тунелите на хидроелектраната.
Според Агенцијата за вонредни ситуации на Непал во земјата евидентирани се 903 смртни случаи, додека 4.247 лица, од кои 592 странци, се водат како исчезнати.
Додека кинеските власти пријавија 16 загинати и 546 исчезнати лица, од кои 261 се странци.
На 26 август се урна карпа од под глечерите на Хималаите, што предизвика поплави. Според научниците уривањето на карпата и повлекувањето на дел од глечерот, било толку силно што е регистрирано како сеизмички потрес со магнитуда од 5,2 степени според Рихтеровата скала. Карпите и стопената вода предизвикаа излевање на реките во Непал и Тибет, а надојдената вода однесе згради и мостови.
Фото: МИА
