Пратениците на пленарната седница во Собранието денеска ја почнаа расправата по дополнетиот Предлог буџет за 2021 година.
Вчера беше трет ден како пратениците расправаа за Предлог-буџетот, а расправата може да трае најмногу пет работни дена, по што треба да се гласа по предлогот.
Во текот на досегашната расправа, власта и опозицијата со спротивставени ставови на Предлог-буџетот за следната година.
За власта, Буџетот обезбедува одржливост, рационално трошење и е продолжение на одговорните политики спроведени во изминатиот период.
Во дополнетиот предлог се содржани 18 амандмани прифатени во текот на расправата пред матичната собраниска Комисија за финансирање и буџет.
Министерот за финансии Фатмир Бесими во образложението пред пратениците посочи дека Дополнетниот предлог-буџет е реален и во него се алоцирани средства онаму каде што ќе дадат најдобар ефект и резултати.
Со проекциите во Буџетот, како што истакна, се очекува да се обезбеди одржливост на домашните економски дејности и на работните места, да закрепнат одредени дејности, да се обезбеди стабилност на социјалните трансфери и да се обезбедат политики кои и понатаму ќе помогнат за спроведување на брза излезна стратегија со цел продолжување сопозитивните трендови на македонската економија.
