Германците од една страна се плашат од инфлација, а од друга страна од рецесија, па затоа трошат повнимателно, наведува нирнбершкиот институт „ГФК“ во јунското издание на барометарот за расположението на потрошувачите.
Од извештајот од мај, очекувањата од приходите значително потемнеа.
„Потрошувачкиот сентимент укажува на атмосфера на несигурност. Тоа, меѓу другото, се гледа и во растот на стапката на штедење“, рече економистот Ролф Биркл на презентацијата на студијата што се одржа вчера.
Општото расположение на потрошувачите благо се влоши во јуни по осум последователни месеци оптимизам.
„Инфлацијата од околу шест проценти значително ја нагриза куповната моќ и ја потисна приватната потрошувачка“, истакна Биркл.
На инвестициите негативно влијае и неизвесноста околу претстојниот закон за затоплување на становите.
Инфлацијата се намалува и следните неколку месеци би можело да се подобри расположението, но потрошувачите сега очекуваат пад на реалните приходи до крајот на годината и не веруваат дека растот на платите ќе го надмине темпото на раст на цените.
Германските граѓани особено се плашат од рецесија, бидејќи се грижат дека се поскапите кредити ќе ја турнат економијата во негативни бројки.
„ГФК“ секој месец анкетира околу 2.000 луѓе за барометарот на расположението на потрошувачите.
