Данскиот суд му одреди притвор на шефот на данската Воена разузнувачка служба, Ларс Финдсен, заради вмешаност во случај кој вклучува и „протекување на строго доверливи информации“, јавија денеска локалните медиуми.
Четири поранешни и активни припадници на две дански разузнувачки служби беа приведени во декември заради оддавање на државни тајни, пренесе Ројтерс.
It’s out: former Danish spy chief Lars Findsen jailed, allegedly for leaking to the media; was under ‘extensive’ surveillance: https://t.co/BEOg898X0L
— Henrik Moltke (@moltke) January 10, 2022
Иако, во меѓувреме, тројца разузнувачи се пуштени од притвор, тие и понатаму се под истрага.
Не е јасно колку време Финдсен ќе биде задржан во притвор, а јавното обвинителство одби да го коментира овој случај.
Данските медиуми наведуваат дека, меѓу другото, Финдсен се товари и врз основа на многу сериозна одредба од Кривичниот законик, која спаѓа во категоријата „предавство“.
Одредбата се однесува на оддавање државна тајна, а за неа е предвидена казна затвор до 12 години.
