Двајца повредени во сообраќајката кај Ласкарци сè уште во критична состојба. Седуммина од повредените се хоспитализирани во „ГОБ 8-ми септември“. Четворица се хоспитализирани на ургентен, од нив тројца се во добра состојба, додека еден пациент е на карил во критична состојба.
Од Министерството за здравство соопштија дека се очекува поголем број од полесно повредените, во текот на денов да бидат пуштени на домашно лекување.
Советот на Град Скопје ќе одлучува за парична помош на семејствата на загинатите во сообраќајната несреќа кај село Ласкарци.
Советот на Град Скопје денеска ќе ја оддржи 27 седница на која ќе се расправа по единствена точка на дневниот ред – Одлука за определување еднократна парична помош за семејствата на загинатите во сообраќајната несреќа кај село Ласкарци.
Одлуката на градот предвидува на семејствата на загинатите во сообраќајната несреќа на автопатот Скопје – Тетово да се додели парична помош од 100.000 денари во нето износ. Паричните средства од оваа Oдлука се обезбедуваат од Буџетот на Град Скопје за 2019 година.
По завршувањето на оваа седница, Советот ќе ја одржи 28-та седница каде ќе работи со единствена точна на дневен ред – Поставување советнички прашања.
