„Очекувам претседателот на Собранието да биде брзо избран и да го извести Ѓорге Иванов дека согласно Уставот е должен веднаш да ми го даде мандатот. A, потоа уверен сум дека новата Влада ќе биде составена во многу покус рок отколку што предвидува Уставот и дека многу побрзо ќе излезам со составот на новата реформска Влада. Сето тоа ќе донесе големо олеснување за граѓаните на Македонија, кои после тримесечниот застој ќе ја добијат новата Влада за којашто гласаа на изборите, вели претседателот на СДСМ, Зоран Заев, ви интервју за хрватскиот весник „Вечерњи лист“.
Заев, во интервјуто, зборува за очекувањата за разврска на политичката криза во Македонија.
Правиме се што можеме, на Ѓорге Иванов, преку почитување на институциите да му ги разбиеме сите изговори и низ законска и уставна процедура да го примораме да ми го даде мандатот за формирање Влада, Зоран Заев
На прашањето дали Иванов ќе го прифати известувањето од новиот претседател на Собранието, претседателот Заев вели:
„Не сакам да помислам дека некој ќе се дрзне да помисли да ја изигрува волјата на околу 700.000 граѓани и со тоа да ја турка Македонија во уште подлабока криза“.
Заев, патем, објаснува и за тоа дека наспроти непринципиелноста на Иванов, кој го крши Уставот, се прават сите прави напори за институционална разврска на кризата.
„Првиот чекор што го направив за да ја разбијам лагата за некакво сценарио спротивно на државните интереси на Македонија, беше минатиот петок кога ја објавив Програмата на новата реформска Влада на граѓаните на Македонија која ги гарантира унитарноста и суверенитетот на државата, перспективите на Македонија во ЕУ и НАТО, владеењето на правото, економски развој и социјална кохезија. Тоа се клучните приоритети за сите граѓани на Македонија, независно од каква било различност. За да му олесниме, како парламентарно мнозинство од 67 пратеници, поднесовме иницијатива за продолжување на конститутивната седница на Парламентот, за избор на претседател на Собранието на Република Македонија, вели меѓу другото првиот човек на социјалдемократите Зоран Заев во интервјуто за хрватски „Вечерњи лист“.
