Хенри Кисинџер, поранешниот државен секретар на Ричард Никсон, кој стана една од најистакнатите и најконтроверзните фигури во американската надворешна политика во 20 век, почина на 101-годишна возраст.
Консултантската фирма „Хенри Кисинџер Асошиејтс“ ја објави неговата смрт во соопштение вчеравечер, но не ја откри причината.
Познатиот дипломат во текот на својата долга кариера советуваше десетина претседатели, меѓу кои и Џозеф Бајден.
Доби заедничка Нобелова награда за преговори за завршување на војната во Виетнам.
Но, неговото наследство беше дефинирано и со неговиот презир кон човековите права и напорите да ги заштити американските корпоративни интереси по секоја цена.
Противниците ширум светот го прогласуваат за воен злосторник.
Го поддржа воениот диктатор на Индонезија во инвазијата на Источен Тимор, ја поддржа инвазијата на Ангола од страна на режимот на апартхејдот во Јужна Африка и работеше со ЦИА на соборување на демократски избраниот претседател на Чиле.
Исто така, го одобри и прислушувањето на новинарите и неговиот персонал.
Кој беше Хенри Кисинџер?
Хенри Алфред Кисинџер (Henry Alfred Kissinger) е роден како Хајнц Алфред Кисинџер на 27 мај 1923 година во Фурт, Германија.
Мајка му била домаќинка, татко му учител, а имал и помлад брат, кој починал во 2021 година.
Кисинџер бил еврејски бегалец кој избегал од нацистичка Германија со своето семејство во 1938 година.
Имал 15 години.
По пристигнувањето во САД, дипломирал на Харвард во 1950 година.
Магистрирал и докторирал, исто така, на Харвард во 1951, односно во 1954 година.
Американско државјанство добил во 1943 година.
Своите први политички искуства ги доживеал во 1957 година како советник на гувернерот Нелсон Рокфелер.
После тоа беше ценет и кај американските претседатели Џон Ф. Кенеди, Џонсон и Никсон.
Со изборот на Никсон за претседател во 1968 година, Хенри Кисинџер стана официјален советник на претседателот за безбедносни прашања. Тогаш неговата политичка кариера тргна по нагорна линија.
До денес тој останува еден од најистакнатите светски дипломати.
На 6 февруари 1949 година, Кисинџер се оженил со Анелиза „Ана“ Флејшер, која е родена во неговиот роден град Фирт.
Имаат две деца, Елизабет и Дејвид.
Се разведоа во 1964 година, а Кисинџер Кисинџер во март 1974 година се ожени со Ненси Меџинс.
(Фото: Омер Месинџер/ЕПА-ЕФЕ)
