Шпанската Влада ќе ја преземе контролата над Каталонија, ако нејзиниот лидер Карлес Пуџдемон двосмислено одговори на прашањето дали прогласил независност од Шпанија, изјави денеска министерот за внатрешни работи Хуан Игнасио Зоидо.
„Одговорот мора да биде недвосмислен. Мора да одговори или „да“ или со „не“. Ако одговори двосмислено, тоа значи дека не сака дијалог, поради што шпанската Влада ќе мора да дејствува, посочи Зоидо.
Премиерот на Шпанија, Маријано Рахој му даде рок на Пуџдемон до понеделник да го појасни својот став, а потоа и рок до четврток да го смени мислењето доколку инсистира на отцепување, како што беше изгласано на референдумот одржан на 1 октомври.
