Засега шефот на државата Ѓорге Иванов е единствениот кој му „затворил врата“ на собранискиот претседател а им сврте грб и на првиот човек на Владата и министерот за надворешни работи.
Дали Иванов сам се турка кон отповикување?
Ова е прашање кое го дискутира јаноста по вчерашните тврдења на собранискиот претседател Талат Џафери кој во изјава за медиуми вели дека претседателот не сакал воопшто да го прими.
Во телевизиско интервју премерот посочи дека ако Иванов по одбивањето на законот на јазици , одбие да го потпише по втор пат и договорот со Грција , тогаш ќе мора да го сменат.
По изјавата на премиерот, Иванов не чекаше долго и повика постапката за импичмент да почне веднаш.
„Ги повикувам Заев со тоа двотретинско мнозинство, што е потребно за промени на Уставот на Република Македонија, веднаш да започне постапка за одредување на одговорноста на претседателот и гласањето на отповикување“, вели Иванов.
„И покрај заканите и притисоците, јас останувам на ставот дека станува збор за штетен договор“, кажа уште Иванов.
За предложената одлука за почнување постапка пред Уставниот суд за утврдување на одговорноста на претседателот, прво треба да гласаат најмалку 82 пратеници во Собранието на Македонија, што воедно е и прашање дали владиното мнозинство може да се окрупни за таа постапка.
Во член 83 од Уставот на Република Македонија пишува дека за одземање на имунитетот на претседателот на државата „одлучува Уставниот суд со двотретинско мнозинство гласови од вкупниот број судии.
Ако Уставниот суд утврди одговорност на претседателот на Републиката, функцијата му престанува по сила на Уставот“, пишува во член 87 од Уставот.
