За новата туристичка понуда за богати пишува весникот „Ла република“, а „пакетот“ подразбира и анти-ковид ваквинација.
Според пишувањето на весникот, на клиентите им се нувди лет со приватен авион, вакцинација, тринеделно летување во луксузни хотели или куќи во Индија, Дубаи или на Флорида, потоа втора доза на вакцина и враќање дома.
Засега вакви супер луксузни туристички аранжмани нуди англиската агенција „Кнајтбриџ“, а според наводите во текстот цената на понудата е околу 45 илјади евра.
Агенцијата нуди пакет само за своите членови, кои годишно плаќаат членарина од 28 илјади евра, а за сега овој вакцина-туризам е резервиран само за членовите постари од 65 години.
Новинарите ја контактирале Агенцијата за да дознаат како е можно лицата приватно да се вакцинираат во земјите-дестинациикаде што постојат правила дека лекот можат да го добијат само нивни државјани и оние кои имаат престој, и како е можно да се набави вакцината приватно, ако таа недостасува за државни нарачки. Но, туристичката агенција одбила да даде каков било одговор.
Весникот, меѓу другото, потсетува дека уште во декември производителот на вакцината „Фајзер“ потврдил дека размислува за продажба на вакцината на приватни лица и компании.
