Претседателот на САД, Доналд Трамп, и кандидатот на Демократската партија, Џо Бајден, сè уште имаат начин „да ја освојат“ Белата куќа, но поранешниот потпретседател има повеќе опции.
Бајден води со 264 изборни (електорски) гласови (вклучително и Аризона) наспроти 214 гласа на Трамп во Изборниот колеџ, со 270 потребни за да победи на еден од најспорните претседателски избори во историјата на САД.
Во средата, поранешниот потпретседател оствари клучни победи во Мичиген и Висконсин, а Трамп доби само еден глас во Мејн.
Сè уште не е објавен победник, но скоро 100 отсто е сигурно дека лидерот на САД ја освои Алјаска и има вкупно 217 гласови.
Резултатите сè уште се чекаат од Невада (Бајден има предност од 11.400 гласови), Северна Каролина (Трамп води со 76.000 гласови), Џорџија (претседателот има водство од 1.267 гласови) и Пенсилванија (Трамп води со 22.576 гласови).
Сепак, пребројувањето на гласачките ливчиња продолжува и Трамп заостанува само 47.052 гласови (повеќето од непреброени гласачки ливчиња има во округот Марикопа, каде демократите имаат силно присуство. Бајден води со повеќе од 70.000 гласови).
Претседателот на САД мора да собере 53 изборни гласови, што значи Пенсилванија и другите три држави.
Но, во Филаделфија и Питсбург, Пенсилванија, има многу гласачки ливчиња на демократи по пошта што треба да се избројат.
Трамп најверојатно ќе ја загуби предноста во Пенсилванија.
Демократот има поголем избор да добие уште шест изборни гласови.
Еден пат поминува низ Пенсилванија – 20 гласови.
Без Пенсилванија, Бајден би можел да победи со Невада, каде има мало водство.
Демократскиот претседателски кандидат исто така може да влезе во Белата куќа со победи во Џорџија или Северна Каролина.
