Кинеската компанија „Фосун“ денеска соопшти дека ќе ја откупи британската фирма „Томас Кук“ за 11 милиони долари (13 милиони евра), еден месец од отворањето на стечајот на таа британска компанија за организирање на патувања.
Трансакцијата, исто така, предвидува и купување на други права на интелектуална сопственост како што се профилите на социјалните мрежи.
„Фосун“, веќе сопственик на фирмата „Клуб Мед“, планирала да го превземе мнозинскиот пакет акции во „Томас Кук“, но тој план на финансиско спасување не успеа затоа што британската компанија имала кусок пари и на крај, на 23 септември годинава, банкротираше.
Компанијата „Томас Кук“ е основана во 1841 година и е најстар независен туристички оператор на светот.
Финансиските потешкотии почнаа пред неколку години заради се поголемата конкуренција и загиженоста на туристите да ги користат услугите на таа група заради неизвесноста околу излегувањето на Велика Британија од членство во Европската унија.