„Имам намера на Франција да и го вратам местото што и припаѓа во светското семејство на народите“, порача денеска претседателот на оваа земја, Емануел Макрон, во говорот по повод нвовогишното честитање на војската.
„Сакам силна Франција, сакам држава која ќе биде владетел на својата судбина“, беше јасен Макрон кој зборуваше пред 1.500 војни ица во воената база во Тусон на бродот „Диксмуид“. Беше дочекан со 21 топовски плотун.
Францускиот шеф на државата изнесе низ амбициозни мерки кои подразбираат „до сега невидено и неспоредливо“ зголемување на буџетот и обемна и забрзана обнова на постоечките средства и опрема.
Оваа година, буџетот за војската на Франција изнесува 34,2 милијарди евра, што е за 1,8 милијарди повеќе отколку минатата година. Макрон вети дека до 2025 година воениот буџет ќе изнесува два отсто од БДП-то, што претставува зголемување од 1,7 милијарди секоја година до 2022 и друри три милијарди во 2023 година.
Стануваме војска за пример во Европа, порача Макрон.
Планот на францускиот претседател предвидува консолидирање на сите родови и онака силната војска, а има намера да го модернизира и нуклеарното вооружување. Најави и јакнење на воената разузнувачка служба, а тоа се однесува и на електронската војна и сајбер одбраната. Новата стратегија подразбира подобрување на условите за работа и животот на воените лица, европска соработка и иновации. Најави и нова програма на борбената авијација.
„Нашата територија ја браниме и кога се бориме против терористите илјадници километри подалеку“, рече Макрон и порача дека Исламска држава практично е победена и најави конечна победа во следните неколку седмици, но и додаде дека после тоа ќе биде потребно уште време да се стабилизира ситуацијата на теренот.
Макрон оддаде почит на француските војници настрадани во мисиите. Вети и дека ќе го исполни своето предизборно ветување за воведување „обврзувачка служба“ која подразбира цивилно ангажирање во траење од еден месец.
