Популарниот „Хафесито“ Хавиер Маскерано се договорил со Барселона по осум години да го напушти клубот како слободен играч.
Маскерано одлуката им ја соопштил на челниците на клубот, кој го прифатиле неговото барање. Искусниот дефанзивец сезонава ретко добва шанса од тренерот Ернесто валверде, иако дури и Лионел Меси барал објаснување зошто минутажата во првиот тим му е сведена на минимум.
Во разговор со претседателот Бартомеу Маскерано истакнал дека нема намера да оди во Кина, Катар или некоја егзотична фудбалска дестинација.
Барселона имаше намера да го продаде во Кина и да заработи од неговиот трансфер, но Маскерано сака да се пресели „преку барата“ во МЛС лигата.
Неколку клубови кои се заинтересирани биле подготвени да му понудат голема плата, но само под услов да го добијат без обесштетување.
Со оглед на верноста кон клубот и годините минати на „Ноу Камп“ Барселона нема да му прави прблеми во реалзииција на идниот трансфер, а доколку до такво нешто не дојде тогаш Маскерано ќе остане во клубот како резерва.
