Извршниот директор на Твитер, Илон Маск, на социјалната мрежа покрена анкета за тоа дали треба да се повлече од кормилото на компанијата и нагласи дека ќе постапи по резултатите од анкетата.
Речиси 12 милиони корисници учествуваа во истражувањето до 6.57 часот.
Од нив 56,3 отсто гласале за негова оставка и остануваат уште четири часа до затворањето на анкетата.
Милијардерот не откри кога ќе отстапи ако конечните резултати од анкетата покажат дека треба.
„Нема наследник“, напиша Маск, одговарајќи на коментар на корисник на Твитер за можна промена на извршниот директор.
Маск пред судот во Делавер во ноември рече дека помалку време ќе поминува на Твитер и на крајот ќе најде нов лидер за компанијата.
