На 15.03.2020 околу 12.50 часот на железничка пруга во близина на излезниот сигнал од Железничка станица Скопје, непознати лица извршиле оштетување на две бакарни јажиња од свртниците, со што бил загрозен железничкиот сообраќај.
Се преземаат мерки за расчистување на случајот.
На 16.03.2020 околу 02.00 часот во СВР Скопје, А.Н.(53) од Скопје пријавил дека на 15.03.2020 околу 19.30 часот на ул.„Никола Парапунов“ неговиот 16-годишен син бил физички нападнат од С.Н.
Се преземаат мерки за расчистување на случајот.
На 16.03.2020 околу 03.00 часот во СВР Скопје, Р.М.(57) од Скопје
пријавил дека околу 02.00 часот на ул.„Дрезденска“, поради нерасчистени должничко-доверителски односи, бил физички нападнат од Г.Т.
Сочинет е записник за констатиран прекршок по чл.12 од ЗПП ЈРМ.
На 15.03.2020 во 21.45 часот во СВР Скопје било пријавено дека на ул. „Солунска глава“ во Скопје, Д.Т.(31) од Скопје, по претходна расправија, бил физички нападнат од Б.Д.(29) и Г.З.(30), и двајцата од Скопје.
Сочинет е записник за констатиран прекршок по чл.12 од ЗПП ЈРМ.
На 15.03.2020 во 12.46 часот, во СВР Скопје било пријавено дека во Комплекс клиники „Мајка Тереза“ бил донесен А.Н.(33) од с.Бардовци, скопско, кој се повредил со остар предмет додека вршел градежни работи во својата куќа, на ул.„2“ во с.Бардовци.
Од страна на лекар му биле констатирани тешки телесни повреди.
Увид на местото на настанот извршила екипа од СВР Скопје.
Надворешната канцеларија за Криминалистички работи Гостивар поднесе кривична пријава против А.Р.(63) од с.Форино, гостиварско, поради постоење основи на сомнение за сторено кривично дело „разбојничка кражба“.
На 18.02.2020 на ул.„Панче Попоски“ во Гостивар пријавениот, од паркирано возило „форд транзит“ во сопственост на М.Х.(19) од Скопје, кое не било заклучено, одзел пари.
При извршената кражба тој бил затекнат од оштетениот, кој се обидел да го спречи во намерата, но пријавениот со закана со нож го напуштил местото на настанот со одземените парични средства.
Надворешната канцеларија за криминалистички работи Крива
Паланка поднeсе кривична пријава против З.М. (35) од с.Ранковце и С.И. (20) од Свети Николе, поради постоење основи на сомнение за сторено кривично дело „тешка телесна повреда“.
На 28.12.2019 во угостителски објект во село Ранковце, пријавените физички го нападнале О.М.(48) од с.Ранковце, при што му нанеле тешка телесна повреда.
Надворешната канцеларија за Криминалистички работи Свети Николе поднесе кривична пријава против Д.К.(33) од Неготино, поради постоење основи на сомнение за сторено кривично дело „измама“.
Во временскиот период од 13.03.2017 до 20.04.2019 пријавениот, лажно
прикажувајќи факти преку интернет страна, објавил оглас за посредување при работа во Германија, со што го довел во заблуда Д.Е. (47) од Свети Николе, од кого барал за услугата да му уплаќа одреден износ на пари наменети за трошоци при посредувањето и од страна наоштетениот во повеќе наврати на трансакциската сметка на Д.К. во две банки бил уплатен вкупен износ од 1.564.870 денари.
