Советот за Јавни обвинители денеска едногласно го избра Мустафа Хајрулахи за шеф на Вишото јавно обвинителство Скопје.
Претседателот на Советот на јавни обвинители, Антонио Јолевски, на почетокот на денешната седница истакна дека Хајрулахи бил позитивно оценет со 23 поени.
Членот на Советот, Арбер Исаку, пак, посочи дека Хајрулахи покажал исклучителни резултати, и со неговиот избор само уште повеќе ќе се подобрат состојбите во обвинителство.
На денешната 70-та седница Советот на ЈО, со седум гласа за и еден воздржан го избра Фарик Арслани за шеф на Вишо јавно обвинителство во Гостивар.
За Деса Пауновска четири гласа за, еден беше против, а тројца беа воздржаи, а, пак, Душица Димитриевска имаше два гласа за, четири против и двајца воздржан.
Точката од дневниот ред, за донесување одлука за објавување на оглас за четворица јавни обвинители во Обвинителството за организиран криминал беше одложена.
(Фото: „360 степени“)
