Најмалку седум лица загинаа вчера, а девет се водат како исчезнати по излевање на поројна река во западната мексиканска држава Халиско, соопштија локалните власти.
Обилните дождови ја погодија областа помеѓу пет и седум наутро, изјави за AFP Хуан Игнасио Аројо Верастеги, директор на локалната цивилна заштита. Тој додаде дека како последица на поплавите кои следеа, привремениот биланс се исчезнати девет, а седум загинати.
Реката Ел Кангрехо се излеа од коритата и ги поплави куќите во општината Аутлан, каде живеат околу 60.000 луѓе полема акумулација на дождовница.
Врнежите беа особено обилни над планинскиот венец Сан Хуан Какома, предизвикувајќи брзи поплави во реката Ел Кангрехо.
Некои од телата на жртвите беа пронајдени на повеќе од шест километри од местото каде што исчезнаа.
Околу стотина спасувачи трагаат по исчезнатите.
Верастеги рече дека е можно сечата и пожарот во јуни во тој планински предел да придонеле за поголема акумулација на дождовница.
Фото: Shutterstock/Моника Гарза 73
