Германскиот „Фолксваген АГ“ денеска соопшти дека планира да претстави уште 10 модели на електрични возила до 2026 година и дека останува посветен на Кина, каде што етаблираните странски брендови го губат теренот во однос на вештите локални ривали.
„Како компанија остануваме цврсто посветени на Кина… Нашето водечко начело е ‘Развој во Кина, за Кина со полна брзина’“, рече Томас Шафер, извршен директор на фолксвагеновите патнички автомобили, говорејќи на Саемот за автомобили во Шангај.
„Фолксваген“, најпродаваниот бренд за автомобили во Кина со децении, е еден од наследените странски автомобилски марки чиј удел на најголемиот светски автомобилски пазар се намалува бидејќи заостануваат зад кинеските конкуренти во лансирањето на електрични автомобили.
За 2022 година, „Фолксваген“ забележа пад на продажбата за 3,6%, до 3,18 милиони возила.
Во февруари, кинескиот производител на електрични возила „БУД“ (BYD) продаде повеќе автомобили од „Фолксваген“, станувајќи најпродавана марка на патнички возила во Кина, втор месец едно по друго во последните четири месеци.
Претставувајќи го денеска врвниот модел ИД.7 ЕВ (ID.7 EV), Шафер истакна дека „Фолксваген“ планира да претстави уште 10 модели на струја до 2026 година.
„Фолксваген“ на почетокот на оваа година соопшти дека има намера да го забрза времето на излегување на пазарот.
Шафер посочи дека компанијата инвестира многу средства со своите кинески партнери во заедничко вложување во дизајн, производство, како и истражување и развој, додавајќи дека има до 2.000 програмери во својот Центар за истражување и развој, во провинцијата Анхуи.
(Фото: ДПА / АП)
