Непримерна шега на млади пожарникари-доброволци во Полска, кои решиле градоначалникот на местото Продавница во западниот дел на земјата да го испрскаат со воден топ, се претвори во трагедија, затоа што контактните леки што тој ги носел му нанеле повреди на очие и лекарите сега се борат да му го спасат видот на едното око.
Градоначалникот, Марек Цебула, по службена должност учествувал на прославата на локалните пожарникарни во Продавница и во атмосфера на општа веселба, неочекувано му се доближиле двајца млади пожарникари и го фатиле за рацете, додека трет го испрскал со млаз од водениот топ на противпожарната цистерна право во лицето.
„Лицето на градоначалникот се преплави со крв. Водата му ги извади контактните леки од очите“, изјави еден од очевидците на глупавата шега за полската телевизија ТВН24.
Градоначалникот е веднаш префрлен во болница каде лекарите веднаш му пружиле медицинска помош. На едното око морале да му го шијат капакот, а во меѓувреме продолжуваат и напорите за спас на видот на второто око.
„Шегаџиите“ ги очекува казна, иако тврдат дека тоа не било нивна идеја, туку на нивни постар колега.
