Скопје, 26 декември 2020
СДСМ како одговорна партија, посветена на воведување на европските стандарди дома, борбата против корупцијата и криминалот ја става во највисоките приоритети во стратешката рамка „Акција 21”.
За успешно искоренување на коруцијата, исклучително е важна добрата, брза и ефикасна соработка помеѓу надлежните институции, но важна улога имаат и граѓаните во пријавувањето на случаите поврзани со корупција.
Преку воспоставување на јасни механизми за интензивна соработка меѓу сите надлежни чинители, со силна политичка волја и мотивација на секој граѓанин, заеднички се ангажираме во искоренувањето на корупцијата којашто го враќа општеството назад.
Веќе се преземени првите чекори во насока на намалување на можностите за појава на корупција.
Владата предводена од СДСМ, го намали бројот на министри и формираше ефикасна, отворена и одговорна Влада, подготвена да работи посветено во интерес на граѓаните и државата.
Резултатите се видливи. Врз основа на прекршените одредби на Кодексот за етичко однесување на членовите на Владата и функционерите именувани од Владата, беа разрешени директори на владини агенции и јавни претпријатија, како и цел состав на комисија.
Транспарантноста е исклучетелно важна во борбата против корупцијата.
Владата предводена од СДСМ, како ниту една друга Влада досега, спроведува максимална отвореност и целосна транспарентност.
Граѓаните имаат право да знаат како се трошат народните пари, како и колку работат институциите, општините и сите кои користат буџетски средства.
На почетокот на наредната година, најдоцна на пролет, се очекува да започне и ЕУ мониторингот на судските случаи од висок профил, околу 50 предмети годишно, во кој ќе учествуваат стручни лица од странство и домашните експерти ангажирани од ЕУ и ОБСЕ.
Ние сме прва држава во регионот која од Европската Унија побара веднаш да ја стартува иницијативата за мониторинг на судските предмети врзани за високата корупција.
Воедно ќе иницираме носење законски измени врз основа на коишто Јавното обвинителство ќе мора редовно да ја информира јавноста за напредокот во предметите за коишто постои посебен јавен интерес, односно за на предметите од организиран криминал и корупција.
Ги носиме најдобрите европски стандарди и практики.
Стратешката рамка „Акција 21“, има за цел Европа да ја донесе дома.
Заеднички да се посветиме на 10-те приоритети чијашто реализација ќе значи подобар
живот за секој еден граѓанин.
Прашање: Зошто се инсистира на циркузантна вечер носење на Законот за спорот меѓу Владата и Макпетрол, упатените во оваа проблематика коментираа дека власа на овој начин се обидува на мала врата да го протне законо?
Одговор: Значи не се брза со ништо. Во конкретниов случај станува збор за редовна постапка којшто ние како пратеници имаме обврска да ги реализираме сите оние проекти коишто се претходно почнати.
Очигледно деструктивното однесување на пратеничката група на ВМРО-ДПМНЕ
продолжува во секој поглед со нивното функционирање во Собранието, тоа го покажа и со самиот факт што претходно на ребалансот а сега и на буџетот имаше сериозни ситуации во којшто ВМРО-ДПМНЕ ги доведе граѓаните да биде ставена нивната иднина.
Гледате дека во секој поглед без разлика за и каков да е закон тие одат на варијанта да го блокираат.
Го блокираат Законот за внатрешни работи со над 500 амандмани, ги блокираат сите оние реформски закони којшто се во правец на подобрување на животот и стандардот на граѓаните.
