Апелацискиот суд Скопје ја уважи жалбата на Специјалното јаво обвинителство на решението на Основниот суд Скопје 1 за предметот поврзан со настаните во Општина Центар во јуни 2013 година и донесе одлука дека доказите прибавени од прислушуваните материјали може да се употребат како доказ во кривичната постапка.
„Апелацискиот суд Скопје на 4.8.2017 година донесе одлука со која ја уважи жалбата на јавното обвинителство за гонење на кривична дела поврзани и кои произлегуваат од содржината на незоконското следење на комуникациите Скопје и го укина решението донесено од Основниот суд Скопје 1 Скопје со кое од списите на предметот се издвоени снимените материјали предложени како доказ за предметот поврзан со настаните во Општина Центар. Со оваа одлука доказите прибавени од прислушкуваните материјали можат да се употребат како доказ во кривичнат апостапка“, се наведува во соооштението од скопскиот Апелациски суд.
